Madinaugon nga nakahuman an mga Pula nga mangaraway han Bagong Hukbong Bayan-Mindoro (Lucio De Guzman Command) han Abante nga Kurso han Partido ha luyo han grabe nga atake han pasista nga AFP. Kadak-an ha mga estudyante tikang ha ranggo han mga parag-uma ngan nasyunal nga minoriya. Iginlansar an pag-aram tikang Hulyo 29 tubtub Agosto 10.

Iginhimo an pag-aram agud isahon an pampulitika nga kapukawan ngan mas mapadig-on an paninindugan han hukbo han katawhan. Iginpasulong ini ha bulig han lokal nga mga pwersa ngan masa ngan mga Pula nga mangaraway nga nagserbe nga sekyuriti ngan tag-undong ha pag-aram. Sering ni Ka Jomar, kumander han yunit, “Nagin madinaugon an pag-aram tungod ha matarum nga pagbasa han mga kasama ha sitwasyon, kabakyang an masa.”