Ginhandum han rebolusyunaryo nga pwersa hadton Septyembre 11 an syahan nga anibersaryo han pagkamartir han mga kasama nga hira Ariel Arbitrario (Ka Karl), Erin Sagsagat (Ka Jorly), ngan Danielle Marie Pelagio (Ka Seed), an gin-ngaranan nga Peñablanca 3. An tulo ngatanan mga hors de combat nga makarimadima nga ginpatay han berdugo nga 502nd IB ha Barangay Baliuag, Peñablanca, Cagayan.

Komo paghinumdom ha ira maranggat nga kinabuhi, ngan hul-os nga kamabayanihon ngan amot ha nasyunal-demokratiko nga rebolusyon, naglansar hin pagpasidungog an rebolusyunaryo nga mga pwersa han Cagayan Valley nga may tema nga, “Paranggaton an bulawanon nga kamabayanihon han aton mga martir! Magtul-id ngan igpadayon an ginhasog nira nga dalan han rebolusyon!”

Pinakahitaas nga pagsaludar an iginhatag ha tulo ngan ginhinumdom an ira kinabuhi ngan pakigbisog komo mangaraway han katawhan. Naghalad han mga luwa ngan kanta an magkalain-lain nga mga grupo ngan indibidwal ha pagpasidungog. Pira ha mga iginpadayag an mga luwa nga Binhi ng Paglaya ni Amanda Echanis, Tagubilin at Habilin ni Jose Lacaba, ngan Hukbo ng Maralita ni Kerima Tariman. Nagbug-os liwat han video tribute an BHB-Cagayan Valley nga may pagbasa han luwa nga Silang mga Walang Kamatayan ni Emil Magalat. Nahuman an programa ha pagkanta han Mangahas ngan han Awit ng Pag-asa. Tinuod nga inspirasyon hira nga mga “di pangkaraniwan” ngan an ira diri mamamatay nga kadakilaan!