Balligi a nakaleppas dagiti Nalabbaga a mannakigubat ti Bagong Hukbong Bayan-Mindoro (Lucio De Guzman Command) ti Abante a Kurso ti Partido iti tengnga’t nakaro nga atake ti pasista nga AFP. Kaaduan kadagiti estudyante ket naggapu iti benneg dagiti mannalon ken nailian a minorya. Naisayangkat ti pagaadal manipud Hulyo 29 aginggana Agosto 10.

Naisayangkat ti pagaadal tapno maingato ti pampulitika a kaammoan ken lalo pay a mapatibker ti takder ti soldados ti umili. Insayangkat daytoy babaen iti tulong dagiti lokal a pwersa ken masa ken dagiti Nalabbaga a mannakigubat a nagserbi a sekyuriti ken taguyod iti pagaadal. Kinuna ni Ka Jomar, kumander ti yunit, “Nagballigi ti pagaadal gapu iti umno a basa dagiti kakadua iti sitwasyon, katinnulong ti masa.”