Hul-os nga iginkadismaya han mga biktima ngan ira mga abugado ngan tagasuporta an pagdelatar han Pre-Trial Chamber han International Criminal Court (ICC) ha naka-iskedyul nga kumpirmasyon han kaso nga krimen kontra ha bug-os nga katawhan ni Rodrigo Duterte ha Septyembre 23. Gin-abuyunan han korte an pahayag han mga abugado nga “waray ha kundisyon” o diri “fit to stand trial” (“malibsog nga umatubang ha pagbista”) hi Duterte. Sigon ha prosekyusyon han ICC, mismo an mga anak ni Duterte an nagsesering nga aada ha eksakto nga panhunahuna an ira amay.

Tikang han igpailarum ha kustodiya han ICC hi Duterte, aktibo nga nagmamaniobra an iya mga abugado agud igdelatar ngan ha dayuday igpabasura an kaso kontra ha iya. Susrunod an mga petisyon nga iginsalawad nira agud likyan an kumpirmasyon han kaso.

Mahugot nga gintitipahan han mga biktima ini nga mga larang. Panawagan nira, igdayon an pagbista ha pinakatemprano nga panahon.