Nagprotesta iti sango ti US Embassy iti Pasay City ti naduma-duma a grupo iti panangidaulo ti Bagong Alyansang Makabayan (Bayan) idi September 16 tapno kondenaren ti kumarkaro a presensya dagiti tropa nga Amerikano, armas a panggubat, war games ken base militar ti US iti teritoryo ti Pilipinas. Ti protesta ket pananglagip met ti maika-34 anibersaryo a pakasaritaan ti panangpatakyas kadagiti base militar ti US iti Pilipinas.

Idi September 16, 1991, nasurok 170,000 patriyotiko a Pilipino ti nagtitipon iti sango ti senado tapno ipanawagan ti panangibasura iti pannakaiwaras ti RP-US military base a katulagan. Segun iti Bayan, sangsanguen ita ti pagilian ti nakalkaldaang a panangbaliktad dayta a balligi. Dagiti simmaruno a tawen ken rehimen, binukel ti naduma-duma a katulagan ken ligal a basaran iti iseserrek manen ti militar a tropa ti US iti Pilipinas. Karaman daytoy ti Visiting Forces Agreement (VFA) ken Enhanced Defense Cooperation Agreement (EDCA) a nagbalin a pamuspusan para iti panagsubli dagiti base militar ti US iti pagilian.