Saan a malipatan dagiti agnanaed ti Marcia ti mano dekada a panangtulong ti Partido ken New People’s Army iti komunidad da. Iti nabayag a panawen, nagbalin a kabinnulig da dagiti Nalabaga a mannakigubat. Iti tarabay ti Partido, nagadal iti Gimong ken Rebolusyon a Pilipino, dagiti Espesyal a Kurso ken dadduma pay a nakaorganisa ken nagpatignay iti intero a baryo. Naikkan solusyon ti problema dagiti kaaapuan laban kadagiti agtatakaw iti lugar a rupan-rupa iti panangagaw kadagiti produkto, nangpatay kadagiti kapamilya ken kabataan nga awanan laban. Nadusa dagiti lider dagitoy a grupo.

Babaen ti Maikadua a Naindaklan a Panagilinteg, nairussuat ti anti-pyudal a pannakidangadang kadagiti lokal nga apo’t daga. Nagballigi da iti pananggibus ti mananggundaway a pagannurutan. Nailaban da a saan da a mangted ti porsyento iti apit da kadagiti apo’t daga. Iti tarabay dagiti kakadua, nagbalin a kannawidan da ti panangipatungpal ti simple a kooperasyon iti trabaho a produksyon ken dadduma pay iti baryo.

Kunada, saan da idi a nagun-od ti hustisya no awan ti Partido, NPA ken intero a rebolusyonaryo a tignayan.

Panagilinteg ken panangitandudo

Ingiddan ti taga-Marcia ti panangbigbig kadagiti nagkamalian ken nagkapuyan iti intar ti Partido, Hukbo ken organisasyon ti masa iti proseso ti panangitakder manen ti balangay ti Pambansang Katipunan ng mga Magbubukid (PKM). Inrussuat da iti panagdillaw ken bukod a panagdillaw. Nagdillaw da iti nabayag a panangitakder ti PKM ken ti ningas-kugon nga estilo ti trabaho iti intar ti masa. Kunada, saan a natalmegan iti panagpalawa ti base a masa. Inulit-ulit ti panagadal kadagiti Kurso iti PADEPA ken dadduma pay a di met annatop iti agdama a parikut a sangsanguen iti baryo ken base a masa. Ti Partido, Hukbo ken amin a rebolusyonaryo a tignayan ket naggigiddan a bukod-a-nagdillaw kadagiti paset da iti kabuklan a panag-atras ti napalabas a tawen.

Iti maudi a paset ti asembilya, naangay ti eleksyon iti panangpili ti mangidaulo ken dagiti kagawad kas maikadua a daulo iti naduma-duma a tay-ak ti trabaho. Pinili da dagiti dati a lider iti komite a pang-organisa a kas kagawad. “Pangiggeman dagiti inted ti bumaryo nga baklayen tayo,” sapata ti baro a napili a komite.

Dagus nga inlatag ti maysa a tawen a programa ti PKM tapno ingato ti tukad organisasyon ti masa. Target da nga itakder ti komiteng rebolusyonaryo iti baryo iti uneg ti innem a bulan. Sakbay na daytoy ket agsasaruno nga itakder ti ganap na Samahan ti kabataan, babbai ken dagiti manggagawang pangkultura. Akemen da met ti rekoberi ken panagpalawa ti base tapno nalawa ti matignayan dagiti myembro ken pagmaniobraan ti NPA kabayatan a ringringbawan daytoy ti “self-constriction ken sobra a konsentrasyon.”

Target nga aggigiddan a konsolidaen ti amin a pwersa babaen iti panagadal ken propaganda. Ikkan talmeg daytoy ti panagadal iti PADEPA, Rebolusyon, Kurso iti Gubat ti umili ken dadduma pay. Kayat da met a papigsaen ti MB ken dadduma pay a yunit gerilya kas reserba a pigsa ti NPA. Nalawag kadakuada ti kinapateg daytoy kas nayon a pigsa ti armado a pwersa iti panangdusa kadagiti traydor ken pasista a kabusor, ken panagklining kadagiti armas ken dadduma pay a lohistika ti militar manipud kadagiti mapagballigian a taktikal nga opensiba.

Kalikagum da a kompletuen ti pangkagimungan a panagsukisok ken silpuan ti napagballigian a panagtignay ti antipyudal iti napalabas laban kadagiti mananggundaway nga apo’t daga ken ti timmaud a baro a tipo ti apo’t daga iti lugar da.

Segun ken ni Ka Jetro, maysa kadagiti lider mannalon a timmabuno, ” ti panangitakder tayo iti PKM ket balligi iti baryo ken pammaneknek nga agpayso a natibker a nabukel ti rebolusyonaryo a tignayan iti kaaw-awayan.” Kabayatan nga ituktukit ti bin-i ti organo a bileg pampulitika iti prente a gerilya ita, sigurado nga ar-aramiden met dagiti kakadua kadagiti dadduma pay a larangan gerilya iti intero nga isla, kunana.

Iti panagawid dagiti timmabuno, awit da dagiti baro a rebbengen ken naimpusuan ti kalikagum da a magun-od ti nailian a waya-waya ken pudno a demokrasya.

(Basaen ti umuna a paset, Balangay ti PKM, naitakder iti tengnga ti operasyong militar iti Negros, Ang Bayan, September 7, 2025)