Iti tengnga’t kumarkaro ken awan sarday nga operasyon militar ti Armed Forces of the Philippines (AFP) iti kaaw-awayan, nakaisayangkat ti Bagong Hukbong Bayan-(BHB) kadagiti armado nga aksyon ken aktibo a depensa iti Negros, Quezon, ken Mindoro.

Iti Negros Occidental, pinaputukan ti BHB-Northern Negros (Roselyn Jean Pelle Command) ti madama agoperasyon a tropa ti 79th IB iti Purok 5, Barangay XI (Gawahon), Victorias City idi Setyembre 14 ti rabii. Nasugatan ti sumagmamano a soldado, nga agserserbi a protektor ti apo’t daga a mangagagum ti daga.

Iti Quezon, inulit a pinaputukan ti BHB-Quezon (Apolonio Mendoza Command) idi Setyembre 4 ti rabii ti kaitaktakder a kampo militar ti 85th IB sa Barangay Cogorin Ibaba, Lopez. Maikaduan a daras nga inatake ti BHB ti kampo, naragsakan dagiti agindeg iti lugar.

Iti nabiit a padamag ti BHB-Southwest Negros (Armando Sumayang Jr Command), pinaputukan dagitoy dagiti nakakampo a tropa ti 15th IB sa Sityo Patol, Barangay Caliling, Cauayan, Negros Occidental idi umuna a lawas ti Agosto.

Aktibo a depensa. Nakaisayangkat ti kontra-atake ti BHB-Mindoro (Lucio de Guzman Command) laban iti umat atake a tropa ti 1st IB iti Sityo Tugas, Barangay San Vicente, Roxas, Oriental Mindoro idi Setyembre 9. Basar iti yunit, dagdagus a nabantayan ti presensya ti 1st IB isu nga dagus a nakasagana, nakaposisyon ken nakapagpaputok dagiti nalabbaga a mannakigubat.

Napatay iti laban ti maysa a soldado ken nasugatan pay ti dua. Kabayatan na, pinarangalan ti BHB-Mindoro ni Ka Kardo, 33, Nalabbaga a mannakigubat a nagmartir bayat a situtured a nakiranget kadagiti pasista.