Manipud enero agingga Oktubre tatta a tawen, saan a bumaba iti 99 a barangay ken 15 a munisipalidad iti isla ti Leyte ti dinuprak ti operasyon kombat ti 802nd IB. Kabinnadang daytoy iti operasyon ti 14th IB, 93rd IB, 8th CMO Battalion ken pulis.

Iti prubinsya ti Leyte, adda iti 10 minusipalidad ti sinaklaw ti operasyon kombat, kabilang ti Baybay City, nga idi Pebrero ket naikategorya nga Stable Internal Peace and Security Condition (SIPSC) tapno parwaren nga awanen ti pwersa ti hukbo ti umili iti lugar. Idi Setyembre, naipasidong iti hamlet ti Barangay Caraye idiay Javier, ken barangay Igang ken Hilapnitan idiay Baybay City.

Idiay Southern Leyte, lima a munisipalidad ti militarisado, kabilang ti Saint Bernard a naikategorya met a SIPSC idi Marso.

Segun kadagiti residente, tunggal adda iti baryo dagiti militar ket tuloy-tuloy ti pammutbuteng da. Pwersaan a pagaw-awiden dagiti soldado isuda manipud iti talon. Pangpangtaan da isuda nga arestaren ken ibalud nu agited da iti tulong iti hukbo. Pinasuko met ti militar dagiti paltog a pagan-anup dagiti residente.

Maysa kadagiti kaudyan a krimen ti militar iti isla ti panangkemmeg iti mannalon a ni “Loloy” a taga-barangay Masuganao, Mahaplag, Leyte. Ak-akusaran da isuna a kameng ti New People’s Army.