Sugod Enero tubtob Oktobre subong nga tuig, indi magnubo sa 99 ka barangay kag 15 ka munisipalidad sa isla sang Leyte ang gin-atake sang operasyon kombat sang 802nd IB. Kabulig sa operasyon sini ang 14th IB, 93rd IB, 8th CMO Battalion kag pulis.

Sa probinsya sang Leyte, mga 10 ka banwa ang ginsakop sang operasyon kombat, lakip ang Baybay City, nga sadtong Pebrero ginkategorya nga Stable Internal Peace and Security Condition (SIPSC) para ipaguwa nga wala sa sang pwersa ang hukbo sang banwa sa lugar. Sadtong Septyembre, ginpaidalum sa hamlet ang Barangay Caraye sa Javier, kag barangay Igang kag Hilapnitan sa Baybay City.

Sa Southern Leyte, lima ka banwa ang militarisado,lakip ang Saint Bernard nga ginkategorya man nga SIPSC sadtong Marso.

Suno sa mga residente, kada yara sa baryo ang militar tayuyon ang pagpanghadlok sang mga ini. Pilit sila nga temprano pa ginapapauli halin sa ila mga ulumhan. Ginapahog sila nga arestuhon kag bilangguon kon maghatag sang bulig sa hukbo. Ginapasungka man sang militar ang mga pusil nga ginagamit sang mga residente sa pagpangayam.

Isa ka pinakaulihi nga krimen sang militar sa isla ang pagdakop sa mangunguma nga si “Loloy” nga taga-barangay Masuganao, Mahaplag, Leyte. Ginapasibangdan siya nga myembro sang Bagong Hukbong Bayan.