Tikang Enero tubtub Oktubre yana nga tuig, diri mamenos ha 99 nga barangay ngan 15 nga munisipalidad ha isla han Leyte an ginlasurbo han operasyon kombat han 802nd IB. Kabakyang hini ha operasyon an 14th IB, 93rd IB, 8th CMO Battalion ngan pulis.

Ha prubinsya han Leyte, aada ha 10 nga bungto an ginlupgop han operasyon kombat, kalakip an Baybay City, nga hadton Pebrero iginkategoriya nga Stable Internal Peace and Security Condition (SIPSC) agud pagawason nga waray na pwersa an hukbo han katawhan ha lugar. Hadton Sept-yembre, iginpailarum ha hamlet an Barangay Caraye ha Javier, ngan barangay Igang ngan Hilapnitan ha Baybay City.

Ha Southern Leyte, lima nga bungto an militarisado, kalakip an Saint Bernard nga iginkategoriya liwat nga SIPSC hadton Marso.

Sigon ha mga residente, kada nakada ha baryo an militar dirudiretso an panhadlok hini. Pwersahay hira nga temprano nga ginpapauli tikang ha ira mga umhanan. Gintarhug hira nga aarestuhon ngan piprisu-hon kun mahatag hin bulig ha hukbo. Ginpasurender liwat han militar an mga pusil nga gin-gagamit han mga residente ha panganop.

Usa ha pinakaurhi nga krimen han militar ha isla an pagkadop ha parag-uma nga hi “Loloy” nga taga-barangay Masuganao, Mahaplag, Leyte. Gin-akusahan hiya nga membro han Bagong Hukbong Bayan.