Agtultuloy a punpuntiryaen ti militar ken pulis dagiti mannalon iti isla ti Panay ken Negros kadagiti napalabas a lawas tapno kigtoten dagiti komunidad ken agimula ti terorismo.

Idiay Negros Occidental, pinatay ti militar ti babae a mannalon a ni Joan Escuadro idi Nobyembre 3 ti rabii. Sinerrek dagiti ahente ti militar ti balay na ken pinaltogan da iti asideg.

Idiay Bago City, agtultuloy ti panaglipit ti pulis ti Negros Occidental District Jail-Male Dormitory kadagiti balud pulitikal ken lider a limmaban iti panagabuso ti napadisi ngem nakasubli iti poder a ni warden Maj. Crisysrel Awe. Arbitraryo nga naibartolina ni Lorenzo Perolino manipud Oktubre 26 ti malem.

Idiay Iloilo City, inaresto dagiti pulis ti agtawen 67 a ni “Mayok” iti Barangay Buntatala, Jaro idi Nobyembre 3. Napilaan isuna ti agtutuon a kaso a kriminal ken maak-akusaran a nangato nga upisyal ti rebolusyonaryo a tignay. Addaan isuna ti patong iti ulo a ₱2.55 milyon.

Kabayatanna, inaresto dagiti pulis ken militar ti organisador ti mannalon ken katutubo a ni Marlene Espiritu bayat nga agbibyahe idiay Mabalacat City, Pampanga idi Nobyembre 1. Ak-akusaran da isuna a nangato nga upisyal ti NPA iti Central Luzon ken pinilaan da ti lima a kaso a kriminal.

Idiay Davao City, pinatawan ti Ombudsman ti 30-aldaw a suspensyon ti kapitan ti Barangay Bucana 76-A a ni Robert Olanolan idi Oktubre 20 gapu iti panaglaban na iti demolisyon idiay Kabacan ken Times Beach manipud Enero 2024. Sumangsango ni Olanolan ti reklamo a grave abuse nga impila ti DMCI nga agplanplano nga agitakder ti negosyo iti lugar.