Naabot na ha 139 an nalista nga namatay ha Cebu hadton Nobyembre 7 bunga han pagrumpagas han baha durot han waray wantas nga pagkukwari ha kabukiran han isla, nga ginpagrabe han hitaas nga bolyum han uran nga dara han Bagyo nga Tino. Pinakadamo an nahireport nga namatay ha Liloan ngan mga syudad ha Talisay, Mandaue ngan Cebu, mga lugar diin kinahanglan mayda nakatindog nga imprastraktura nga flood control, kalakip an mga proyekto nga ginkontrata ha mga kompaniya han mga Discaya. Ikaduha an Cebu ha may pinakadamo nga proyekto nga flood control ha nasud nga nabalor han ₱26 kabilyon.

Panawagan han mga Cebuano an hustiysa ha mga ginlasurbo dara han kapalpakan han mga flood control nga proyekto, ngan baratunon ha mga korap nga lokal nga nasyunal nga upisyal han gubyerno.