Naglab-ot sa 139 ang nalista nga napatay sa Cebu sadtong Nobyembre 7 bangud sang pagragasa sang baha dulot sang patarasak nga pagkwari sa kabukiran sang isla, nga ginpalala sang mataas nga bolyum sang ulan nga dala sang Bagyo Tino. Pinakadamo ang nalista nga napatay sa Liloan kag mga syudad sang Talisay, Mandaue kag Cebu, mga lugar kon diin dapat may nagatindog nga imprastruktura nga flood control, kalakip ang mga proyekto sa ginkontrata sang mga kumpaniya sang mga Discaya. Ikaduha ang Cebu sa may pinakadamo nga proyektong flood control sa bug-os nga pungsod nga nagabalor sang ₱26 bilyon.

Panawagan sang mga Cebuano ang hustisya sa mga nahalitan dulot sang kapalpakan sang mga proyektong flood control, kag salabton sang mga korap nga lokal kag pungsodnon nga opisyal sang gobyerno.