Mokabat na sa 139 ang nataho nga namatay sa Cebu niadtong Nobyembre 7 tungod sa paspas nga pagbaha tungod sa walay puas nga pagkwari sa kabukiran sa isla, nga gipagrabe sa dakung bolyum sa ulan nga gidala sa Bagyong Tino. Labing daghan ang nataho nga namatay sa Liloan ug sa mga syudad sa Talisay, Mandaue, ug Cebu, mga lugar nga unta adunay mga imprastrukturang flood control, lakip ang mga proyektong gikontrata sa mga kumpanya sa mga Discaya. Ikaduha ang Cebu sa adunay pinakadaghan nga proyektong flood control sa nasud nga nagkantidad og ₱26 bilyon.

Nanawagan ang mga Cebuano og hustisya alang sa mga naapektuhan tungod sa kapalpak sa mga proyektong flood control, ug pagpanubag sa mga korap nga lokal ug nasudnong upisyal sa gubyerno.