Napatay sang Bagong Hukbong Bayan (BHB)-South Central Negros (Romeo Nanta Command) sa ginlunsar sini nga armadong aksyon ang intel aset sang 94th IB nga si Jomy Pelarta sadtong Nobyembre 6 sang gab-i sa Sityo Sig-ang, Barangay Carabalan, Himamaylan City, Negros Occidental. Imbolbado si Pelarta sa pagpatay sa hors de combat nga tigpamaba sang BHB-Negros Island nga si Ka Juanito Magbanua (Romeo Nanta) sadtong 2022.

Si Pelarta ang nagtudlo sa lokasyon ni Ka Juanito sa Sityo Medel. Gindakop, gintortyur kag hungod nga ginpatay sang mga soldado ang sadto naka-medical leave nga tigpamaba. Pagkatapos sini, ginpaguwa nga napatay siya sa isa ka armado nga engkwentro. Imbolbado man si Pelarta sa pagpa-reyd sa yunit sang BHB pila ka adlaw antes niya ipadakop si Ka Juanito. Imbolbado man si Pelarta sa duha ka kaso sang pagpanglugos, kag pagtilaw nga paglugos.