Napatay sa Bagong Hukbong Bayan (BHB)-South Central Negros (Romeo Nanta Command) sa gilunsad niining armadong aksyon ang intel asset sa 94th IB nga si Jomy Pelarta niadtong gabii sa Nobyembre 6 sa Sityo Sig-ang, Barangay Carabalan, Himamaylan City, Negros Occidental. Nalambigit si Pelarta sa pagpatay sa hors de combat nga tigpamaba sa BHB-Negros Island nga si Ka Juanito Magbanua (Romeo Nanta) niadtong 2022.

Si Pelarta mao ang nagtudlo sa lokasyon ni Ka Juanito sa Sityo Medel. Gidakop, gitortyur, ug tinuyong gipatay sa mga sundalo ang tigpamaba nga naka-medical leave niadtong panahona. Human niini, gipagawas nga napatay siya sa usa ka armadong engkwentro. Nalambigit usab si Pelarta sa pagpareyd sa yunit sa BHB pipila ka adlaw sa wala pa niya gipadakop si Ka Juanito. Nalambigit pa si Pelarta sa duha ka kaso sa pagpanglugos ug sulayng paglugos.