Nagpanumpa ang mga bag-o nga napilian nga lider sang Alyansa ng Manggagawang Bukid ng Asyenda Luisita (AMBALA) sadtong Nobyembre 16 sa isa ka pagtililipon sa Barangay Lourdes, San Miguel, Tarlac City.

Gindungan ang pagtipon para dumdumon ang masaker sadtong 2004 kon diin pito ka mangunguma sa Hacienda Luisita ang napatay sa pagpangluthang sang mga pwersa sang estado. Nakawelga sadto ang United Luisita Workers Union kag Central Azucarera de Tarlac Labor Union bilang sabat sa iligal nga pagkakas sa 326 ka unyonista. Sabat man ang welga sa mala-ulipon nga sweldo sang kumpaniya, nga sadto nagasweldo sang ₱9.50 kada araw.

Pagkatapos sang pagtililipon, nagmartsa ang mga mangunguma sa mga kadalanan sang Tarlac City. Dala nila ang ila mga panawagan para sa kinamatarung sa duta, palangabuhian kag puluy-an.

Ginpili ang bag-o nga mga lider sang Ambala sa asembliya sini sadtong Nobyembre 15 nga gintambungan sang mga myembro halin sa lain-lain nga barangay. Kadam-an sang mga bag-o nga lider mga kababaehan. Yara sa abaga nila subong ang pagbawi sa kadalag-an sang welgang bayan kag pagpapagsik kag pagpabaskog sang organisasyon.