Gikundena sa mga grupo sa mamumuo ug tigpanalipud sa kinaiyahan ang pagpasagad ug dili luwas nga lugar sa trabaho sa Binaliw Landfill sa Cebu City niadtong Enero 8. Midahili ang bukid sa basura nga gibanabanang adunay gitas-ong 20 andana ug mitabon sa mga bilding sa tiilan niini. Ang landfill ginapadagan sa Prime Integrated Waste Solutions Inc (PIWSI) nga gipanag-iyahan sa burgesya-kumprador nga si Enrique Razon Jr.

Adunay 110 ka trabahante sa mga bilding sa tiilan sa bukid nga basura dihang midahili kini. Ang 36 kanila namatay ug 18 ang nasamdan.

Daku ang tulubagon sa PIWSI ug ni Razon sa panghitabo sa matngon nilang pagbalewala sa mga sukdanan sa kaluwasan ug siguridad sa trabaho aron makatipid ug makaganansya og daku. Dugay nang ginareklamo sa mga residente sa Barangay Binaliw ang landfill, nga matud nila baho ug nagaguba sa bukid ug mga sapa sa palibot.