Ginkundenar han mga grupo han trabahador ngan tagdepensa han kalibungan an pagpasibaya ngan diri talwas nga lugar ha trabaho ha Binaliw Landfill ha Cebu City hadton Enero 8. Natimpag an bukid han basura nga gintatantiya nga mayda kahitas-on nga 20 kaandana ngan dinat-og ha mga bilding ha ubos hini. An tambakan ginpapadalagan han Prime Integrated Waste Solutions Inc (PIWSI), pananag-iya han kumprador burgesya nga hi Enrique Razon Jr.

Mayda 110 nga trabahador ha mga bilding ha ubos han bukid han basura han matimpag hini. An 36 ha ira namatay ngan 18 an samaran.

Dako an baratunon han PIWSI ngan ni Razon ha panhitabo ha tuyo nira nga pagbalewaray ha mga suklanan ha katalwasan ngan kalibsugan ha trabaho agud makatipid ngan makatubo hin dako. Maiha na nga ginrereklamo han mga residente han Barangay Binaliw an tambakan, nga sering nira mabaho ngan nanhibang ha bukid ngan mga salog ha palibot hini.