Kinundenar dagiti grupo ti mangmangged ken salaknib ti kalikasan ti panagbaybay-a ken saan a natalged a lugar iti trabaho iti Binaliw Landfill idiay Cebu City idi Enero 8. Nargaay ti bantay ti basura nga addaan kangato nga agarup 20 a kadsaaran ken nanggabur kadagiti pasdek iti sakaanan daytoy. Ti tambakan ket patpatarayen ti Prime Integrated Waste Solutions Inc (PIWSI), negosyo ti burges kumprador a ni Enrique Razon Jr.

Adda ti 110 mangmangged kadagiti pasdek iti sakaanan ti bantay ti basura idi nargaay daytoy. Natay ti 36 ken 18 ti nasugatan kadakwada.

Dakkel ti sungsungbatan ti PIWSI ken ni Razon iti pasamak gapu iti saanda a panagtungpal kadagiti pagrukodan iti kinatalged ken salun-at iti trabaho tapno makainut ken agganansya iti dakkel. Nabayagen nga irekreklamo dagiti residente ti Barangay Binaliw ti tambakan, a segun kadakwada ket naangot ken nangperdi iti bantay ken dagiti karayan iti aglawlaw daytoy.