Gin-anunsyo sadtong Marso 9 ang pagtukod sang tsapter sang Kabataang Makabayan (KM) sa Northern Negros. Ginpangalan ang tsapter kay Kaupod Emaren Pastidio, isa ka babaye nga Pulang hangaway sang Bagong Hukbong Bayan (BHB)-Northern Negros (Roselyn Jean Pelle Command) nga namartir sa Barangay Pinapugasan, Escalante City, Negros Occidental sadtong Pebrero 21, 2024.

Nag-agi sang madamo nga kapintas sa kamot sang 79th IB si Pastidio sadtong 2018 kag 2021. Lakip diri ang detensyon, pag-abdak, tortyur kag sulit-sulit nga paglugos. Ginkuha man sang militar kag ginhimo nga hosteyds ang iya lapsag agud pasungkaon siya kag iya bana.

Suno sa KM-Northern Negros, ang pagpangalan sa iya sa tsapter pagbira sa 79th IB. Panumpa sang grupo nga padayunon sang mga bag-o nga henerasyon sang rebolusyonaryong pamatan-on ang iya ginsugdan. Nagpaabot sang pagdayaw ang KM-Kris Montañez kag KM-John Paul Calica, nga nakabase sa Metro Manila, sa pagtukod sang grupo.