Gianunsyo niadtong Marso 9 ang pagtukod sa tsapter sa Kabataang Makabayan (KM) sa Northern Negros. Gipangalanan ang tsapter kang Kasamang Emaren Pastidio, usa ka babayeng Pulang manggugubat sa Bagong Hukbong Bayan (BHB)-Northern Negros (Roselyn Jean Pelle Command) nga namartir sa Barangay Pinapugasan, Escalante City, Negros Occidental niadtong Pebrero 21, 2024.

Misinati si Pastidio og daghang bangis nga binuhatan sa kamot sa 79th IB niadtong 2018 ug 2021. Apil niini ang detensyon, pagdagit, tortyur ug balik-balik nga pagpanglugos. Gikuha usab sa militar ug gihimong hostage ang iyang anak aron pugson siya ug ang iyang bana na mosurender.

Sumala sa KM-Northern Negros, ang pagpangalan kaniya sa tsapter usa ka hampak sa 79th IB. Salig sa grupo nga ipadayon sa mga bag-ong henerasyon sa rebolusyonaryong kabatan-onan ang iyang gisugdan. Nagpadala og pagtimbaya ang KM-Kris Montañez ug KM-John Paul Calica, nga nakabase sa Metro Manila, sa pagkatukod sa tsapter.