Inaresto ti aggigiddan nga operasyon ti Philippine National Police ken Armed Forces of the Philippines idiay Tarlac City ken Quezon City idi Marso 11 ti 10 indibidwal kabilang ni Gabriel Kennedy Bangibang, konsultant ti National Democratic Front of the Philippines (NDFP) para iti Cordillera ken pakaseknan ti nailyan a minorya. Naakusaran isuda a kameng ken upisyal ti Komite ti Rehiyon ti Communist Party of the Philippines ken New People’s Army iti Ilocos-Cordillera.

Idiay Tarlac City, natiliw da Bangibang, Dr. Ana Marie Rilloroza, Theresa Forag, Ranee Francella Tuazon, Renato Ginez, Marc Mendiola ken Javar Sugao iti maysa a balay iti Barangay Baras-baras. Ti pito ket sumangsango kadagiti kaso a panagpatay, qualified trafficking ken illegal possession of firearms and explosives. Iti panawen ti panagaresto, pinang-u-pang-ur dagiti pasista ti ulo da, dinanog-danog ti rupa ken tiyan da ken ingusugos isuda iti datar.

Idiay Quezon City, naaresto da Jess Gamay Lang-ay, Bobby Calsiyao Yag-ao ken maysa pay nga indibidwal. Ni Yag-ao ket nakabalud ngem da Gamay ken maysa pay a kadwa ket mapukpukaw kalpasan a “ruk-atan” dagiti pulis gapu iti kinaawan ti nakapila a kaso kadakwada. Saan a matunton ken makontak isuda ti pamilya da a palalo a madandanagan.

Iti maysa a paset ti pagilyan, naiyulat dagiti kaso ti pammaltog, panagbugbog ken panagkampo ti militar kadagiti sibilyan a pasilidad.

Idiay Negros Occidental, pinatudwan ti bala ti 15th IB ti sibilyan a drayber a ni Gary Jorpo idi Marso 6 ti rabii idiay Barangay Tapi, Kabankalan City. Nasugatan isu na iti saka. Idi Marso 9 ken 11, pinangtaan ken binugbog ti 79th IB ti maysa a nataengan a mannalon ken dua nga agkabsat a lalaki idiay Barangay Paitan, Escalante City idi napagbabaraan dagiti soldado. Iti sumagmamano a paset ti Central Negros, awan sarday ti okupasyon ti militar kadagiti sibilyan a pasilidad ken panangpaayab kadagiti sibilyan.

Idiay Masbate, sinerrek ti 2nd IB ti dua a pagadalan iti Barangay Libertad, Cawayan idi Marso 10. Sinaggaysa dagiti soldado dagiti estudyante ken binirok da dagiti annak dagiti mapabpabasol a rebelde. Agkamkampo met ti militar kadagiti sibilyan a pasilidad kadagiti barangay kadagiti ili ti Palanas, Cataingan ken Cawayan manipud pay Enero.

Idiay Norther Samar. Nagipataw ti hamlet ti AFP kadagiti barangay ti Poponton, Paco, Caputo-an, Lakandula, Victory ken Cuenco idiay Las Navas. Tunggal rumwar da iti baryo, ob-obligaren dagiti soldado dagiti residente nga agpirma iti logbook ken mangala ti numero kas “pammaneknek” ti kina-sibilyan. Napairutan met ti panagbantay kadagiti tagilako ken produkto. Idiay Catubig, binutbuteng ti 19th IB ti maysa a 15-anyos a baro idiay Barangay Opong.