Gisugat og protesta si Ferdinand Marcos Jr. ug ang iyang mga alipures sa ilang pag-abot sa New York City, US niadtong Marso 8. Kapin sa 200 ka Pilipino ang nagrali sa Philippine Consulate General sa syudad. Nagmartsa sila padulong sa The Pierre Hotel kung asa nidiretso si Marcos.

Sa sunod nga adlaw, gikonpronta nila sila Marcos, si Theresa Lazaro, kalihim sa Department of Foreign Affairs, ug si Ambassador Jose Manuel Romualdez sa hotel. Nalangan nila ang pagtambong ni Marcos sa United Nations. Nagprotesta usab ang mga Pilipino sa ubang syudad.

Nag-usik-usik si Marcos og liboang dolyar alang sa mahal nga hotel nga mokabat og $17,000 o ₱986,000 kada kwarto kada adlaw.