Atubangan sa grabeng krisis ug kagutom, giawhag sa Pambansang Katipunan sa mga Magbubukid (PKM) ang masang mag-uuma nga maghiusa ug dungang molihok aron ipakigbisog ang ilang mga katungod ug kaayohan.

Sumala sa PKM, sa direktang pagsulbad sa kadaot, kinahanglan huptan ang pagkaorganisado ug pagkamalahutayon. Kinahanglan molihok ug aghaton ang mga hatungang pwersa nga mohatag og mahinungdanong suporta — alang sa pagkaon ug aron mapadayon ang pag-uma ug produksyon. Kalabot niini, kinahanglan padayon nga singlon ang papet nga rehimen sa kawad-on sa kumpensasyon tungod sa krisis.

“Sa pundamental, kinahanglan pahuyangon ang papet nga rehimen sa nasud ug ang imperyalismong US, pinaagi sa pag-asdang sa demokratikong rebolusyonaryo sa katawhan,” padayag sa PKM. Kinahanglan papelan sa PKM ang pagpadaghan sa mapasalmot sa Bagong Hukbong Bayan ug ang pagbansay sa mga masang aktibistang mag-uuma alang sa demokratikong rebolusyonaryo sa katawhan.

Panawagan usab niini nga hinanaling ipatuman ug epektibong dumalaan ang pagsulong sa rebolusyong agraryo aron masiguro ang suplay sa pagkaon ug uban pang panginahanglan sa komunidad. Kinahanglan usab tukoron ug irekober ang mga asosasyong masa ug mga komiteng rebolusyonaryo sa baryo.

“Ang kadaugan sa demokratikong rebolusyonaryo sa katawhan, nga adunay sosyalistang perspektiba, mao ang malungtarong solusyon ug kagawasan sa krisis sa imperyalismo sa tibuok kalibutan,” matud sa PKM.