Nakalunsad og lima ka aksyong militar ang Bagong Hukbong Bayan (BHB)-Southwest Negros (Armando Sumayang Jr. Command) niadtong Marso. Tulo ka operasyong haras ug duha ka operasyong dis-arma ang ilang gipahigayon.

Niadtong Marso 1, gipusil sa hukbo ang detatsment sa 15th IB sa Barangay Haba, Candoni, Negros Occidental. Niadtong Marso 9 ug Marso 16, gipabuthan sa BHB ang mga sundalo sa 15th IB sa Sityo Patol, Barangay Caliling ug Sityo Tagaytay, Barangay Narra, pareho sa lungsod sa Cauayan.

Gipahigayon usab ang operasyong dis-arma batok sa mga kontra-rebolusyonaryo ug dautang elemento sa sakop nga erya niadtong Marso 12 ug Marso 19. Nakumpiska sa mga Pulang manggugubat ang duha ka armas gikan sa mga target nga napamatud-ang sad-an sa katawhan ug sa rebolusyonaryong kilusan.