Gilunsad sa mga yunit sa Bagong Hukbong Bayan (BHB) sa Eastern Visayas ug Southern Tagalog ang 21-gun salute aron pasidunggan ang mga martir sa Partido Komunista ng Pilipinas (PKP) ug rebolusyonaryong kalihukan sa nagkadaiyang rehiyon.

Niadtong Nobyembre 30, gipahigayon sa BHB-Southern Tagalog ang 21-gun salute para kang Josephine Mendoza (Ka Sandy), lider sa Partido sa rehiyon. Kadungan niini, naglunsad usab ang mga yunit sa Partido dinhi og sekretong mga panagtapok ug pagparangal para kaniya.

Niadtong Nobyembre 23, gihatagan og hilum nga 21-gun salute sa BHB-Eastern Visayas isip saludo ang Imelda 6, ang unum ka kaubang namartir sa pagpamomba sa 8th ID sa Barangay Imelda, Las Navas, Northern Samar niadtong Nobyembre 23, 2022. Gipasidunggan nila silang Ka Helenita Pardalis (Ka Elay), Ka Gil Giray (Ka Biboy), Ka Mamoy, Ka Mela, Ka Mike ug Ka Joshua.

Giparangalan usab sa National Democratic Front-EV ang mga martir sa Dolores 22, Catbalogan 10 ug Bobon 7, tanang biktima sa teroristang pagpamomba sa 8th ID, ug tanang martir sa rebolusyong Pilipino.