Sa usa ka baryo sa Southern Tagalog, daku ang tampo sa duha ka myembro sa Kabataang Makabayan (KM) nga nagsilbi na karong myembro sa milisyang bayan. Kaabag sila sa pagsiguro sa seguridad sa mga residente ug sa lokal nga yunit sa Bagong Hukbong Bayan (BHB) dihang nagpondo kini duul sa ilang komunidad.

Madasigon, mamugnaon ug maisugon silang Ka Maki, 23, ug Ka Aja, 21, sa pagpatuman sa gimbuhaton sa milisyang bayan. Ang duha parehong mamumuong-panguma nga inadlaw nga nagatrabaho sa mga kalubihan ug humayan. Panagsa usab silang nagalugsong sa lungsod aron magtrabaho sa konstruksyon ug maggwardya sa mga babuyan, manukan, o itikan.

Sa usa ka serye sa operasyon sa mga sundalo, nagsilbi silang mata ug tigtaho sa BHB. Regular nilang ginarekorida ang mga kabukiran aron mangalap og impormasyon. Sila usab ang nagdala og suportang pagkaon sa mga organisasyong masa ug sanga sa Partido sa lokalidad ngadto sa BHB.

Sa usa ka higayon, mapangahasong miadto si Ka Maki sa balay sa mag-uumang sigurado siyang ginaagian sa mga sundalo. Gipakalma niya ang nahadlok nga mag-uuma ug gikuha ang detalye sa mga sundalo ug kung asa sila miadto. Dihadiha niya kining gireport sa yunit sa BHB.

Regular usab kung magrekorida si Ka Aja. Katabang siya sa pagpapha sa mga tunob sa mga Pulang manggugubat nga miagi o nagakampo sa ilang erya. Pana-panahon usab siyang nagasalmot sa yunit alang sa mga pagbansay ug pagtuon, ug nagatabang sa pagbalhin-balhin sa mga Pulang manggugubat. Labaw siyang nahimong aktibo human gitambalan sa mga kauban.