Hilum nga nakaduul ug gipabuthan sa mga Pulang manggugubat sa Bagong Hukbong Bayan (BHB) sa Negros ang duha ka detatsment sa militar niadtong milabayng semana.

Niadtong Disyembre 13, gipabuthan sa BHB-Central Negros ang patrol base sa 62nd IB sa Barangay Sandayao proper, Guihulngan City, Negros Oriental sa alas-8 sa gabii. Duha ang nasamdan sa tropa sa 62nd IB.

Kaniadto usang Disyembre 11, gipabuthan sa BHB-Southwest Negros ang detatsment sa 15th IB sa Sityo Pangi, Barangay Inayawan, Cauyan, Negros Occidental. Hilum nga giduulan sa yunit sa hukbong bayan ang detatsment aron bulabugon ang nagpahulay nga mga sundalo.

Ang maong mga aksyon kabahin sa abereyds nga upat sa matag bulan nga armadong opensiba sa mga yunit sa BHB sa isla sa Negros sa milabayng tuig. Tin-aw nga tamparus kini sa pamahayag sa 3rd ID nga hapit nang mahurot ang hukbong bayan sa isla ug makab-ot na ang target nga hingpit nga “puuhon” ang BHB.