Gisaulog sa rebolusyonaryong kalihukan sa India, sa pagpangulo sa Communist Party of India (Maoist), ang ika-23 nga anibersaryo sa armadong pako niini, ang People’s Liberation Guerilla Army, gikan Disyembre 2 hangtud Disyembre 8. Gitukod ang PLGA niadtong Disyembre 2, 2000. Kadungan niini, gidumdum usab sa rebolusyonaryong kalihukan sa India ang pagkapatay sa tulo ka myembro sa Komite Sentral sa ilang Partido niadtong Disyembre 2, 1999.

Katong tuiga, gideklara usab sa CPI-Maoist ang semana isip Palestine People’s Struggle Action Week. Pakighiusa kini sa makasaysayanong pakigbisog sa katawhang Palestino batok sa pagpanakop ug henosidyo sa Zionistang Israel, nga suportado sa imperyalismong US.

Matud sa Komite Sentral sa CPI (Maoist), makatarunganon ang armadong pagsukol sa katawhang Palestino batok sa pagpanakop ug angayan kining suportahan. Kinahanglan kunong molihok ang mga katawhan aron papanubagon ang mga kriminal sa gubat nga Zionistang Israel.

“Sa among nasud, gibawal sa pasistang si Modi, sama ni Netanyahu sa Israel nga nagsunod sa dikta sa imperyalistang US, ang unsamang oposisyon sa iyang baruganan sa kasamtangang henosidyo sa mga Palestino,” pamahayag ni Kaubang Amrut, tigpamaba sa CPI (Maoist) sa internasyunal nga mga hisgutanan.