Gipalisud-lisud ang pagkuha sa mga patayng lawas sa mga napatay sa usa ka engkwentro tali sa usa ka yunit sa Bagong Hukbong Bayan, ug mga elemento sa 59th IB, sa utlanan sa mga barangay Dilao ug Malalay, Balayan, Batangas niadtong Disyembre 17. Sa ulahing taho, pito ka patayng lawas ang nakaplagan sa mga grupo ng tawhanong katungod nga nagpahigayon og fact finding mission sa lugar.

Naabtan sa mga pamilya ang mga patayng lawas nga basta na lamang gibutang sa agianan sa usa ka punerarya. Usa sa mga napatay ang dihadihang gilubong nga walay pagtugot sa pamilya. Gwardyado ang maong mga punerarya sa mga sundalo nga nagababag sa mga abugado ug paralegal nga kauban sa mga pamilya.

Gibatikos sa mga grupo ang pagpanamastamas sa militar sa mga patayng lawas, nga lapas sa mga internasyunal nga makitawhanong balaod. Matud nila, tin-aw nga adunay tulubagon ang 59th IB sa dinaghang paglapas sa tawhanong katungod sa Batangas.