Gidumdum sa protesta sa mga demokratikong grupo sa Metro Manila ang Pangkalibutang Adlaw sa Tawhanong Katungod ug ang ika-75 nga anibersaryo sa Pangkalibutang Deklarasyon sa Tawhanong Katungod niadtong Disyembre 10. Adunay susamang mga protesta sa mga syudad sa Baguio, Legazpi, Naga, Bacolod, Cebu, Iloilo, Roxas, Davao ug sa lunsod sa Kalibo sa Aklan.

Gipangulohan sa Karapatan ug Bagong Alyansang Makabayan (Bayan) ang liboan ka Pilipinong nagprotesta sa 11 ka sentro sa protesta sa nasud aron singilon ang reaksyunaryong gubyerno sa mga paglapas niini sa tawhanong katungod sa kapin 1.6 milyong Pilipino sukad nga milingkod si Marcos sa poder.

Gawas dinhi, gikundena sa mga grupo ang papel sa US sa magun-ubong kontra-insurhensiyang kampanya sa rehimen nga ginaila nilang kabahin sa interbensyon sa nasud ug sa Asia-Pacific. Gipadayag usab nila sa protesta ang pakighiusa sa katawhang Palestino nga nakasinati sa walay susamang pag-antus tungod sa kampanyang henosidyo sa US-Israel sa Gaza ug West Bank.