Parigat ti panangala kadagiti bangkay dagiti natay iti maysa nga engkwentro iti nagbaetan ti maysa a yunit ti New People’s Army, ken dagiti elemento ti 59th IB, idiay nagbeddengan dagiti barangay Dilao ken Malalay, Balayan, Batangas idi Disyembre 17. Iti maudi a report, pito ti nasarakanen a bangkay dagiti grupo ti karbengan-tao a nagirussuat ti fact-finding mission iti lugar.

Nadanonan dagiti pamilya ti pimmusay dagiti bangkay ti kabagian da a basta laengen imbati iti hallway ti maysa a punerarya. Maysa kadagiti natay ti sigud nga intabon a saan nga impakada iti pamilya. Bantay-sarado dagiti makuna a punerarya dagiti soldado a nanglapped kadagiti abugado ken paralegal a kakuyog dagiti pamilya.

Tinubngar dagiti grupo ti panangirurumen ti militar iti bangkay dagiti pimmusay, a labsing kadagiti internasyonal a makatao a linteg. Kunada, nalawag nga adda sungbatan ti 59th IB iti nakaad-adu a panaglabsing iti karbengan-tao idiay Batangas.