Raling-iglap ti KM. Situtured nga inrussuat ti Kabataang Makabayan (KM) ti iglap-protesta iti onor ti Recto Avenue idiay Manila idi Disyembre 10. Nagraling-iglap met ti KM-Southern Tagalog idiay UP-Los Baños idi Disyembre 19. Impukkaw da daytoy iti tengnga ti panangikabil ti rehimen US-Marcositi organisasyon iti listaan dagiti “terorista nga organisasyon.” Ti rali ket paset ti panagrambak iti maika-59 anibersaryo ti KM idi Nobyembre 30.

Panagikkat iti Converge ICT. Sinupiat dagiti mangmangged ti Converge ICT iti panangikkat iti 600 mangmangged ti Metroworks (kabsat a kompanya ti Converge) iti intero a Metro Manila idi Nobyembre. Nagpiket da iti Regional Conciliation and Mediation Board-NCR idiay Quezon Avenue, Quezon City idi Disyembre 6 kagiddan ti panagdengngeg iti “redundancy program” ken “cost-cutting” ti kompanya a Converge ICT. Kukua ni Dennis Anthony Uy a taga-Angeles City ti kumpanya.

Petisyon kontra NTF-Elcac idiay Negros. Nagprotesta iti sango ti lokal a Commission on Human Rights idiay Bacolod City idi Disyembre 7 dagiti mannalon ken nakurapay a Negrosanon tapno irupir ti kagyat a panangrebba iti National Task Force-Elcac. Kagiddan daytoy, nagidasar da ti pormal a petisyon ken nakipagdayalogo kadagiti opisyal ti ahensya. Pinirmaan ti 1,500 mannalon ken nakurapay ti petisyon. Inyun-una ti petisyon ti Human Rights Advocates Negros ken Kilusang Magbubukid ng Pilipinas-Negros.

Pribatisado a serbisyo a padanum idiay Bulacan, tinubngar. Nagprotesta iti sango ti opisina ti Water District idiay Barangay Minuyan III, San Jose del Monte, Bulacan dagiti kameng ken tagasuporta ti Alliance for Consumers Protection-CSJDM idi Disyembre 11 tapno tubngaren ti nalaad a serbisyo ken agtutuon pay a singsingiren daytoy kadagiti konsyumer. Naisa-pribado ti serbisyo a padanum agsipud idi Mayo 2018 idi simrek ti lokal a gobyerno iti joint venture agreement kakuyog ti PrimeWater Infrastructure Corporation, tagikua ti pamilya Villar.

Dagiti mangngalap ti Sorsogon, balligi. Naipa-ikkat dagiti mangngalap idiay Gubat, Sorsogon ti sumagmamano a kontra-mangngalap a probisyon iti Fishery Administrative Order No.264 ti Bureau of Fisheries and Aquatic Resources idi Disyembre 11 kalpasan ti panagpetisyon ken nagkukuyog a panagtignay ti Save Gubat Bay Movement agsipud pay idi Hunyo. Mapalubosan da manen nga agkalap kadagiti king crab a saan a nainkalintegan nga imparit ti ahensya.