Nasagedsed a protesta ti inrussuat dagiti mangmangged pangsalun-at ken unyon da iti panangidaulo ti Alliance of Health Workers (AHW) kadaytoy Disyembre. Linawas nga agirusrussuat kadagiti panagtignay ti AHW kadagiti ospital ken ahensya ti gobyerno. Manipud Disyembre 5 aginggana Disyembre 12, nagirussuat ti protesta dagiti unyon iti Philippine Orthopedic Center, National Children’s Hospital, Philippine General Hospital, National Kidneyand Transplant Institute, Philippine Heart Center, Lung Center of the Philippines ken Philippine Children’s Medical Center, Tondo Medical Center, Jose Reyes Memorial Medical Center, San Lorenzo Hospital ken Fabella Hospital idiay Metro Manila.

Idi Disyembre 13, dimmarop da iti Department of Budget and Management tapno irupir ti napartak a panagiruar ti pondo para kadagiti benepisyo da.

Tinubngar met dagiti mangmangged pangsalun-at ti panangpaakem kenni Department of Health (DOH) Secretary Teodoro Herbosa. Kuna da, saan isuna a maiparbeng nga agbalin a kalihim ti DOH gapu ta isuna ket kontra-mangmangged pangsalun-at, maysa a Red-tagger, ken sumupsuporta iti pribatisasyon dagiti pampubliko nga ospital ken serbisyo pangsalun-at.