Nagprotesta sa upisina sang Land Transportation Office (LTO) sa Quezon City sadtong Disyembre 18 ang mga drayber sang bus halin sa nagkalain-lain nga kumpanya agud ipabasura ang indi makatarunganon nga Demerit Points System sang ahensya nga ginpatuman sadto pang 2019. Ginpangunahan ang hublag sang Manibela ukon Malayang Alyansa ng Bus Employees at Laborers.

Nagpapanaog ang nasambit nga sistema, nga kabahin sang Republic Act 10930, sang dinoble nga “demerit points” para sa mga drayber sang pampubliko nga salakyan kumpara sa pribado nga mga salakyan. Uyon diri, kung nag-angkon ang isa ka srayber sang 40 ka “demerit points” tuga sang mga “paglapas” sa laye sang trapiko, igadingot ang iya lisensya sang duha ka tuig.

Linibo ka mga drayber kag mamumugon sang bus ang nagakaperwisyo kag nagakahangawa nga mawad-an sang palangabuhian tuga sini. Ilabi ini nga nagalala sa nagligad nga mga binulan sang nakigsabwatan ang mga lokal nga gubyerno kag coast guard sa pagpatuman sang patakaran. Duso nila, sayop man sang magamo nga sistema sang transportasyon kung ngaa “nagakalapas” sang mga drayber ang mga patakaran sa trapiko. Wala kuno sang ginapatuman nga maayo nga sakayan kag palanaogan sang mga pasahero.