Sinsin nga mga protesta ang ginlunsar sang mga mamumugon pang-ikaayong lawas kag ila nga unyon sa pagpamuno sang Alliance of health Workers (AHW) sini nga Disyembre. Kada semana nagalunsar sang mga kahublagan ang AHW sa mga ospital kag ahensya sang gubyerno.

Sugod Disyembre 5 tubtob Disyembre 12, naglunsar sang protesta ang mga unyon sa Philippine Orthopedic Center, National Children’s Hospital, Philippine General Hospital, National kidney and Transplant Institute, Philippine Heart Center, Lung Center of the Philippines kag Philippine Children’s Medical Center, Tondo Medical Center, Jose Reyes Memorial Medical Center, San Lazaro Hospital kag Fabella Hospital sa Metro Manila. Sadtong Disyembre 13 nagkadto sila sa Department of Budget and Management para iduso ang madasig nga pagpagwa sang pondo para sa ila nga mga benepisyo.

Ginsaway man sang mga mamumugon pang-ikaayong lawas ang pagpili kay Department of Health (DOH) Secretary Teodoro Herbosa. Sambit nila, indi siya nagakadapat nga mangin tiglikom sang DOH tungod siya ang kontra-mamumugon pang-ikaayong lawas, isa ka Red-tagger, kag nagasuporta sa pribatisasyon sang mga pampubliko nga ospital kag serbisyo pang-ikaayong lawas.