Gindumdom sa protesta sang mga demokratiko nga grupo sa Metro Manila ang Pangkalibutanon nga Adlaw sang Tawhanon nga Kinamatarung kag ang kaangot nga ika-75 nga anibersaryo sang Pangkalibutanon nga Deklarasyon sa Tawhanon nga Kinamatarung sadtong Disyembre 10. Naglunsar sang kasubong nga mga protesta sa mga syudad sang Baguio, Legazpi, Naga, Bacolod, Cebu, Iloilo, Roxas, Davao kag sa Kalibo sa Aklan.

Ginpamunuan sang Karapatan kag Bagong Alyansang Makabayan (Bayan) ang linibo ka Pilipino nga nagprotesta sa 11 ka sentro sang kahublagan sa pungsod para sukton ang reaksyunaryo nga gubyerno sa mga paglapas sini sa tawhanon nga kinamatarung sa masobra 1.6 milyong Pilipino halin sang nagpungko si Marcos sa poder.

Magluwas diri, ginkundenar sang mga grupo ang papel sang US sa mapanglapas nga kontra-insurhensya nga kampanya sang rehimen nga ginakabig nila nga kabahin sang pagpasilabot sa pungsod kag sa Asia-Pacific. Ginpahayag man nila sa protesta ang pagpakig-isa sa pumuluyong Palestino nga naga-agom sang wala tupong nga pag-antus tuga sang kampanyang henosidyo sang US-Israel sa Gaza kag West Bank.