Minandaran ti Moro Islamic Liberation Front (MILF) ti amin a mannakigubat ti Bangsamoro Islamic Armed Forces ken dadduma pay nga ahensya a nairut nga agtungpal iti resolusyon ti Komite Sentral ti MILF a nangsuspindi iti implementasyon ti proseso ti panag-dekomisyon ti BIAF. Nagiparuk-at daytoy ti baro a memorandum idi Agosto 16 nu sadinno nga immandar daytoy iti amin a kumander ken maikadwa a kumander ti larangan, pangulo ti dadduma nga ahensya ken dagiti mangibagi kadakwada a saan nga dumar-ay iti anyaman nga aktibidad para iti decommissioning wenno normalisasyon a unilateral nga inorganisa ti Gubyerno ti Republika ti Pilipinas (GRP) nga awan ti immuna a nakasurat a pammalubos wenno awtorisasyon manipud iti pangulo ti MILF.

Ballaag ti mandato, ti saan a panagtungpal ket maibilang a “seryoso a panaglabsing iti disiplina ti kumand” ken siasinoman a saan a sumurot ket posible a maisango iti aksyon nga administratibo ken pangdisiplina. Insuspindi ti MILF ti proseso ti decommissioning gapu iti kinapalpak ti GRP a tungpalen ti adu a probisyon a rumbeng a kagiddan daytoy.