Ginmanduan han Moro Islamic Liberation Front (MILF) an ngatanan nga mga mangaraway han Bangsamoro Islamic Armed Forces ngan iba pa nga ahensya nga mahugot nga sumunod ha resolusyon han Komite Sentral han MILF nga nagsuspender ha implementasyon han proseso han pag-dekomisyon han BIAF. Nagpagawas ini han bag-o nga memorandum hadton Agosto 16 diin iginmando hini ha ngatanan han kumander ngan ikaduha nga kumander han prente, pinuno han iba nga ahensya ngan ira mga tinaglawas nga diri pumartisipar ha anuman nga aktibidad para ha decommisioning o normalisasyon nga unilateral nga gin-organisa han Gubyerno ng Republika ng Pilipinas (GRP) hin waray pasiuna nga nakasurat nga pagtugot o otorisasyon tikang ha tagapangulo han MILF.

Pahimatngon han kamanduan, an diri sumunod igkukunsidera nga “seryoso nga pagtalapas ha disiplina han kumand” ngan hin-o man nga diri sumugot posible nga umatubang ha aksyon nga administratibo ngan pandisiplina. Iginsususpender han MILF an proseso han decommissioning tungod ha kapalpakan han GRP nga tumanon an damo nga probisyon nga angay kadungan hini.