Abusado a warden iti pagbaludan idiay Negros, napadisi. Napadisi idi Agosto 28 ti abusado a warden a ni Atty. Crisyrel P. Awe ti Negros Occidental District Jail-Male Dormitory kalpasan ti 4-araw a protesta ti agarup 600 balud, kabilang dagiti balud-pulitikal. Ti tignay ket sungbat da iti agtutuon a kaskaso ti panaglabsing iti karbengan da iti uneg ti pagbaludan iti panangiyuna ni Awe. Kabilang kadagiti basaran ti panagsukat ken Awe ket dagiti kaso ti panaglipit ken pammutbuteng kadagiti lider dagiti balud, saan a panagtungpal kadagiti immuna a katulagan ken dadduma pay a saan a nainkalintegan nga aramid. Kas suporta, nagpiket met iti ruar ti pagbaludan dagiti pamilya dagiti balud.

Iparang dagiti desaparesido. Nagprotesta idiay Manila ti Desaparecidos Philippines ken dagiti grupo iti karbengan-tao idi Agosto 30 kas pananglagip iti International Day of the Disappeared. Inyawag da nga iparang ti amin a dinukot ken pwersado a pinukaw dagiti pwersa ti estado ti Pilipinas. Iti rehimen Marcos, saan a bumaba iti 15 ti biktima ti pwersado a panagpukaw. Naisayangkat ti kapada a protesta iti syudad ti Baguio, Iloilo, Cebu ken Los Baños idiay Laguna.

Dagiti migrante iti US, nagkaykaysa. Adda iti 850 migrante idiay US, kabilang dagiti Pilipino ti nagprotesta idiay Tacoma, Washington tapno iyawag ti panagsardeng ti saan a makatao a panagtrato kadagiti balud kadagiti pasilidad ti ICE, panagkamat kadagiti migrante ken saan a nainkalintegan a deportasyon. Naiyaramid ti tignay kalpasan a maangay ti kumperensya a nangpagkaykaysa iti 100 organisasyon manipud iti US ken iti sabali a pagilyan iti Defend Migrants Alliance.