Gin-ambus han usa nga yunit han Bagong Hukbong Bayan (BHB)-Albay (Santos Binamera Command) an nag-ooperasyon nga 16-katawo nga iskwad han 49th IB hadton Agosto 21 ha Barangay Palapas, Ligao City, Albay. Diri mamenos ha tulo nga pasista nga sundalo an napatay ngan usa pa an nahireport nga nasamaran ha ambus.

Sigon ha report han BHB-Albay, nag-aatentar an mga tropa han 49th IB nga dumuok ha ginbabasehan han hukbo han katawhan agud ireyd an yunit. Sering hini, nabantayan han masa an gios han pasista nga mga tropa sanglit dagmit nga nakahimo hin mapagdesisyon nga pitad an yunit han hukbo agud atakihon ini.

Ha Negros Occidental, gin-ambus han BHB-South Central Negros (Romeo Nanta Command) an tropa han 94th IB ngan CAFGU nga nag-ooperasyon ha Sityo Balao, Barangay Tan-awan, Kabankalan City hadton Septyembre 4. Tulo an nasamaran ha mga pasista nga sundalo.

Aktibo nga depensa. Ha Aurora, usa nga sundalo han 91st IB an nasamaran ha aktibo nga pagdepensa han usa nga yunit han BHB-Aurora (Do- mingo Erlano Command) hadton Agosto 21 han kulop ha Sityo Aguses, Barangay Matawe, Dingalan. Tulo kabulan na an focused and sustained military operations han 91st IB ha Dingalan ngan kasapit hini nga mga bungto.

Ha naglabay nga mga semana, susrunod an nahireport nga mga armado nga aksyon ngan aktibo nga depensa han mga yunit han BHB kontra ha naatake nga tropa han Armed Forces of the Philippines. Labot ha Albay ngan Aurora, nahilista ini ha Masbate, Oriental Mindoro, Quezon, ngan Capiz.

Ginpapahimuwaan hini nga mga serye han agway an pahayag ni Ferdinand Marcos Jr hadton Hulyo nga “waray na gerilya nga grupo” ha nasud.