Ginkundenar han katawhan han Dupax Del Norte, Nueva Visycaya an plano nga pagmimina ha ira komunidad. Hadton Agosto 4, gintagan han Mines and Geosciences Bureau an Woggle Corporation, kompaniya nga nakabase ha United Kingdom, han exploration permit agud adman an mineral nga makukuha ha bungto. Plano nga sakupon han kompaniya an 3,102 kaektarya nga katunaan han lima nga barangay o 10% han kabug-usan nga katunaan han nasering nga bungto.

Layon naman nagpagawas han resolusyon an Barangay Oyao kontra ha pagmimina ngan an konseho han bungto, nga nagmamando para ha kanselasyon han nahitatabo nga mining exploration ha bungto. Nagpahayag han pagkundenar an Diocese han Bayombong. Naglansar han signature campaign an mga residente.

Samtang, nananawagan an komunidad han Barangay Bulalacao, Mankayan, Benguet para ha pagkansela ha permit han Crescent Mining Development Corporation (CMDC) para ha Mineral Production Sharing Agreement nga utro nga iginhatag ha kompaniya ha luyo han kawaray hini hin free, prior and informed consent tikang ha mga minoriya ngan certification of precondition, nga igintalaan han reaksyunaryo nga balaud.

Aada ha 534 kaektarya nga parte han ansestral nga katunaan an lupgop han proyekto ngan iginhatag liwat ha kompaniya an dugang nga 300 kaektarya ha pareho nga lugar. Hulga an operasyon ha masobra 600 nga pamilya nga naglalaum ha pagtatanum ha ansestral nga katunaan. Pananag-iya han CMDC an Asean Copper, nga 40% hini pananag-iya han usa nga kompaniya nga Australian.