Gidumdum sa rebolusyonaryong pwersa niadtong Setyembre 11 ang unang anibersaryo sa pagkamartir sa mga kauban nga mao silang Ariel Arbitrario (Ka Karl), Erin Sagsagat (Ka Jorly), ug Danielle Marie Pelagio (Ka Seed), ang gitawag og Peñablanca 3. Ang tulo mga hors de combat nga linuog nga gipatay sa berdugong 502nd IB sa Barangay Baliuag, Peñablanca, Cagayan.

Isip paghandum sa ilang magilakong kinabuhi ug talagsaong kabayanihon ug tampo sa nasudnon-demokratikong rebolusyon, naglunsad og parangal ang rebolusyonaryong mga pwersa sa Cagayan Valley nga adunay temang, “Pasidlakon ang bulawanong kamabayanihon sa atong mga martir! Magtul-id ug ipadayon ang gisubay nilang dalan sa rebolusyon!”

Pinakataas nga parangal ang gihatag sa tulo ug gidumdum ang ilang kinabuhi ug pakigbisog isip manggugubat sa katawhan. Naghalad og mga tula ug kanta ang lain-laing mga grupo ug indibidwal sa parangal. Lakip sa mga gipasundayag ang mga balak nga Binhi ng Paglaya ni Amanda Echanis, Tagubilin at Habilin ni Jose Lacaba, ug Hukbo ng Maralita ni Kerima Tariman. Naghimo usab og video tribute ang BHB-Cagayan Valley nga nag-asoy sa balak nga Silang mga Walang Kamatayan ni Emil Magalat. Nahuman ang programa sa pagkanta sa Mangahas ug sa Awit ng Pag-asa. Tinuod nga inspirasyon silang mga dili ordinaryo ug ang ilang dili mamatay nga kabantugan!