Hingpit nga gikadismaya sa mga biktma ug ilang mga abugado ug tigsuporta ang pagdilatar sa Pre-Trial Chamber sa International Criminal Court (ICC) sa naka-iskedyul nga kumpirmasyon sa kasong krimen batok sa katawhan ni Rodrigo Duterte sa Setyembre 23. Gipaboran sa korte ang pamahayag sa mga abugado nga “wala sa kapasidad” o dili “fit to stand trial” si Duterte. Matud sa prosekusyon sa ICC, mismong ang mga anak ni Duterte ang nagsulting anaa sa hustong pangutok ang ilang amahan.

Sukad nga gipailalum sa kustodiya sa ICC si Duterte, aktibong nagmaniobra ang iyang mga abugado aron langanon ug sa ngadto-ngadto ipabasura ang kaso batok kaniya. Sunud-sunod ang mga petisyon nga gisumite nila aron likayan ang kumpirmasyon sa asunto.

Kusganong gibabagan sa mga biktima ang maong mga pakana. Panawagan nila, ipadayon ang pagdungog sa pinakasayong panahon.