Nagprotesta sa atubang sang US Embassy sa Pasay City ang lain-lain nga grupo sa pagpanguna sang Bagong Alyansang Makabayan (Bayan) sadtong Septyembre 16 agud kundenahon ang nagasingki nga presensya subong sang mga tropang Amerikano, mga armas pang-gyera, war games kag base militar sang US sa teritoryo sang Pilipinas. Pagdumdom man ang protesta sa ika-34 nga anibersaryo sang makasaysayan nga pagpalayas sang mga base militar sang US sa Pilipinas.

Sadtong Septyembre 16, 1991, masobra 170,000 ka patriyotiko nga mga Pilipino ang nagtipon sa atubang sang Senado, para ipanawagan ang pagbasura sa pagpalawig sang RP-US Military Bases Agreement. Suno sa Bayan, nagaatubang subong ang pungsod sang makahalangawa nga pagbaliskad sang sadtong kadalag-an. Sa nagsunod nga mga tuig kag rehimen, ginhimo ang nanari-sari nga kasugtanan kag ligal nga basehan sang liwat pagsulod sang tropang militar sang US sa Pilipinas. Lakip diri ang Visiting Forces Agreement kag Enhanced Defense Cooperation Agreement nga nangin alagyan para sa pagpabalik sang mga base militar sang US sa pungsod.