Duha ka katapo sang Komite Sentral sang Communist Party of India (Maoist) ang masobra sa 10 ka adlaw nga sekreto nga gindeteni antes hungod nga patyon sang armadong pwersa sang rehimen Modi sadtong Septyembre 22.Ginpaguwa sang rehimen Modi nga napatay sa engkwento ang duha sa Abujhmad para takpan ang krimen kag palagyuhan ang salabton sini.

Suno sa mga report, nadakop sang armadong pwersa sang India sanday Kaupod Katta Ramachandra Reddy (Raju Dada) kag Kaupod Kadari Satyanarayana Reddy (Kosa Dada), lunsay indi armado, sa Raipur City sa estado sang Chhattisgarh sadtong Septyembre 10. May panagupnop nga gindala sila sa isa ka sekreto nga lugar sa tunga sang Septyembre 11 tubtob Septyembre 20 kon diin posible nga ginpaidalum sa grabe nga tortyur antes patyon. “Binutig ang engkwento. Dapat ini batikuson sang tanan,” suno kay Vikalp, tiglawas sang Dandakaranya Special Zonal Committee.

Magluwas sa duha, nalista man ang hungod nga pagpatay sa lima pa ka lider kag katapo sang Komite Sentral kag Eastern Regional Bureau sang CPI (Maoist) sa nagligad nga bulan. Tanan sila ginapaguwa man nga mga napatay sa mga engkwentro. Ginpasidunggan sang partido ang tanan nga mga martir nga nagbuwis sang kabuhi sa atubang sang mabangis nga Operation Kagar sang rehimen Modi.