Nagtipon sadtong Septyembre 30 sa San Pablo Apostol Parish Church sa Manila ang ginatos ka residente sang Smokey Mountain kag iban pa nga barangay sang Tondo, kag mga lider-relihiyoso kag maka-kapalibutan nga grupo agud tukuron ang Manila Anti-Incinerator Alliance (MAIA). Ang pagtipon, nga gintuon sa pagdumdum sa Day of Action Against Incineration, may katuyuan nga pamatukan ang plano nga pagtukod sang ₱26-bilyon waste-to-energy (WTE) incinerator sa Barangay 128, Smokey Mountain.

Ang proyekto isa ka 100 megawatt nga WTE Incineration Plant nga ginaduso sang Manila Integrated Environment Corp. (MIEC), kumpaniya nga kontrolado sang Philippine Ecology Systems Corp. (PHILECO) nga ginapanag-iyahan sang negosyante nga si Reghis Romero II. Suportado ini sang kumpaniya nga Japanese nga Kanadevia Corporation kag ang pagtukod yara sa balayon sang lapnagon nga Port Modernization sa mga pantalan sa Manila.

Kalakip ang planta sa ginakabig nga mga prayoridad nga proyekto sang rehimen Marcos kag lokal nga gobyerno sang Manila sa pagpanguna ni Isko Moreno. Suno sa mga eksperto, indi maayo sa ikaayong lawas ang ibuga nga aso sang incinerator. Dugang diri, masobra 2,000 ka pamilya ukon 23,000 ka residente kag negosyante ang mapalayas sa lugar sang konstruksyon sini.