Pormal nga ginbuksan ang Jose Maria Sison (JMS) Legacy Museum sa Utrecht, The Netherlands sadtong Septyembre 19. Ang pag-inagurar ginpangunahan ni Ka Julie de Lima, byuda kag kasubong-rebolusyonaryo ni Ka Joma, kaupod ang mga abyan, mga tagasuporta kag lokal nga opisyal sang syudad.

Ang JMS Legacy Museum isa ka espasyo nga naga-unod sang kabuhi kag mga ginpapanubli ni Ka Joma. Ginadumalahan ini sang JMS Legacy Foundation, nga nagalaum nga makahatag sang inspirasyon ang museo sa mga masunod nga henerasyon.

Makita sa museo ang kabuhi ni Ka Joma bilang isa ka tampad nga rebolusyonaryo, matuod nga internasyunalista, ginarespeto nga intelektwal, kag kilala nga mamamalaybay. Makita man diri ang pila ka mga bidyo sang ulihi nga pakighinun-anon kay Ka Joma, iya mga litrato, dokumento kag iban pa. Bukas ang museo sa mga luyag magkadto kag mabisita.