Naglunsar sang operasyon haras ang Bagong Hukbong Bayan (BHB)-South Central Negros (Romeo Nanta Command) batuk sa tropa sang 94th IB sa Sityo Cantupa, Barangay Buenavista, Himamaylan City, Negros Occidental sadtong gab-i sang Oktobre 27. Indi magnubo sa duha ang napilasan sa mga berdugo nga soldado.

Nagdalalagan ang mga soldado kag pila pa ka segundo antes nakabalos lupok. Patarasak nga nagpaulan sang bala sa erya ang 94th IB gamit ang ila masinggan kag nagpalupok sang M203.

Samtang, nareport nga nagsungka sa BHB-Southwest Negros (Armando Sumayang Jr Command) ang pila ka ahente nga intel sang 15th IB sa banwa sang Cauayan sadtong Oktobre. Ginbaton sang yunit ang pagsungka sa basehan nga wala pa sang halit kag utang nga dugo sa rebolusyonaryong kahublagan kag pumuluyo ang mga aset.